غريب النت ده كنت زمان لما اسمع ان النت ادمان اضحك واقول هو فى ايه يعنى على النت يخلى الناس تقعد كتير لدرجة الادمان دول اكيد ناس هايفه وفاضيه
مكنتش اعرف انى هكون فيوم من الايام من الناس ده مهو اخرت التريقه وحشه
نرجع للعنوان انا هنا بعمل ايه ؟
بكتب اكيد بس المختلف فكتابتى المره ده انى بكتب من غير مخاف من حكم الناس اللى حوليا من غير مشيل هم. اللى بحسه بقوله كده وش
الصراحه انا النهارده بالذات حسيت برغبه كبيره للكلام بس اكلم مين اخواتى كل واحد فملكوته صحابى ههههه معدش فى بينا حاجه مشتركه بعد متخرجنا كل يوم بيعدى بيكبر الفرق فتفكيرنا طيب اعمل شات جربت بس مالاخر مش جايب همه وكمان تحس فيه انك رايح تصطاد ويا صابت يا خابت وغلبا خحابت فالشات سبحان الله الناس كلها بتحب ورقيقه جدا اما قليلة الادب جدا طيب وعلى ايه بطلنا الشات
واخدت القرار انا لازماستغل وقتى ولازم اتغير تفتكروا اتغيرت اكيد الاجابه واضحه
لكن برده بحاول انى احسن من نفسى ومن استغلالى لوقتى بصراحه انا بحاول اشغل نفسى باى حاجه مش عاوزه افكر هروب اه هروب مش هقول من الواقع المرير عاوزه اهرب من نفسى ومن تفكيرى اصلى اى حاجه وحشه تحصلى لازم افضل حسه بالذنب واقول انا السبب انا السبب تفتكروا ده طبيعى
بيتهيالى كفايه رغى كده بالنسبه لاول مره اكتب مطولش عليكوا
سلام
الاشتراك في:
تعليقات الرسالة (Atom)
احلي حاجه فيكي انك بداتي تتكلمي وده كويس وبعدين كتبتك حلوة ومريحه استمري وربنا يوفقك وانتي هنا بتعملي ايه غيرانك بتكتبي انك بتعبري عن شعور ناس كتير مش قادرين يتكلمو
ردحذفالموضوع سهل يا قمر اكتبى انتى كمان هنا المكان واسع ويسع من الحباب ميه بس انتى انوى والله المستعان
ردحذفهاى يا قمر ازيك عامله ايه وحشانى جدا وعاوزه اقولك حاجه يا نسوم ربنا دايما بيعوض الأنسان لما بتحسى ان فى حاجه ضاعت منك بتلاقى قصدها حاجات تانيه كتير حلوه زى اصحاب جداد نفسهم يسمعوكى ويقربوليك حسى بكل اللى حواليكى ممكن يكون فيه حد بيحاول يتقرب منك وانتى مش حاسه
ردحذف