باركلى باركيلى اتخطبت وهتجوز كمان يومين
مبروك مبروك يا ترى مين
مش هتصدقى ده محمد اخو نسرين
وده شافك فين
شافنى من يومين ولبسنا الدبلتين
واو والشقه فين
يا بنتى شقة مين احنا هنكتب الكتاب وتننا طيرين
ايه ده هتقضوا شهر العسل فين--- عسل مين احنا فنفضل بره عايشين
هتسبى مصر هو انتى مسمعتيش اغنية شرين
فكك هو احنا هنا عايشين ده الدنيا هناك جميله والناس بره مبسوطين
الا صحيح هتسافروا فين --- السعوديه--- تصدقوا انتوا خايبين كنتى رحتى قطر او الشارقه او حتى عين
ياختى هو احنا طايلين
هاتى موبيايلك ابعتلك صورتين
معلش اصل انا موبايلى جيل قديم
ولا تزعلى نفسك هديلك بتاعى اصلى هشترى واحد بخطين
الله يرحم لما كنا معفنين ونتمنى ان شالله شبشب بيرن رنتين
خلاص خلاص تعالى هنا شوفى عريسى ---هو فين
الحلو ده ابو غمازتين
ما شاء الله ولا ساموزين
شيفاكى فرحانه ولا كانك هتسيبى صحابك الانتيم
صحاب مين سلمى ورحاب وساره سافروا من شهرين
منى ومروه ورشا اهم لسه كاتبين وهيسافروا يوم عشرين
حسى بقى يا زفتت الطين هتوحشينى-- بعدكمش هعرف اكلم مين
انتى مكبرها على ايه احنا بقينا فالقرن الواحد وعشرين
ديتها كاميرا ومايك وسماعتين
طب غورى من وشى قبل مكسر عليكى قلتين
انا رايحه ادور على اسبرين
سؤال والنبى حد يجاوبنى عليه هومين المتغرب السافروا ولا اللى فضلوا قاعدين
الاشتراك في:
تعليقات الرسالة (Atom)
مش عارفه اقول هنا ايه بس حلو والسؤال مقدرش اجاوب عليه لان الاتنين متغربين
ردحذفانا رأيى ان كويس ان حتى فى مايك لو افترضى ان احنا من زمان شويه مكنتيش هتعرفى عنها حاجه تانى واحنا اساسا عايشين فى الدنيا متغربين ولازم نكون كدا
ردحذفالاتنين تايهيين ..
ردحذفانا مش عارف ولا اكتب ولا اعمل اى حاجه .. البوست بهرني والكلام شدنى معاه لخد اخر نفس .. تحياتي .